Pengesmart

Kor mykje kan du om pengar?

På berre ein skuletime kan du bli pengesmart på ein enkel og engasjerande måte saman med klassen din. Smart, ikkje sant?

Kor mykje kan du om pengar?

Privatøkonomi er eit emne som kan verke litt skremmande for mange unge. Det finst mange framandord og omgrep ein ikkje har eit forhold til, men som kan ha stor innverknad på livskvalitet og evna til å meistre økonomiske utfordringar.

Les manus og få oversikt

Vi trur at læring i privatøkonomi skjer best gjennom involvering og praktiske oppgåver. For å støtte undervisninga i grunnleggjande privatøkonomi har vi derfor utvikla eit digitalt læremiddel som er fritt tilgjengeleg for alle ungdomsskular og vidaregåande skular.

Løysinga engasjerer elevane i aktive læreprosessar, der dei ser konsekvensane av sine eigne økonomiske val. Det liknar på eit interaktivt spel der læraren formidlar kunnskap om ulike privatøkonomiske emne, medan elevane deltek ved å løyse oppgåver og sjå korte filmar om pengebruk og sparing.

Spelet er utforma slik at det kan gjennomførast i løpet av ein skuletime, men lengda kan tilpassast etter kor mykje tid de ønskjer å bruke på kvart tema.

Vi håper dette verktøyet vil vere ein verdifull ressurs i undervisninga og stimulere til engasjerande diskusjonar i klasserommet!

Korleis fungerer det?

Spelet går føre seg samtidig på ein storskjerm (via PC-en din) og på deltakarane sine mobiltelefonar (eller PC/Chromebook/iPad).

Di oppgåve er å styre framdrifta i spelet og å formidle innhaldet, medan elevane deltek ved å løyse oppgåver.

Bruk mobilen som fjernkontroll!

Dersom du helst vil bevege deg rundt i rommet medan du underviser, kan du styre spelet frå telefonen din.

Praktisk info

Varigheit
Om lag 45–60 minutt
Deltakarar
1-50 stykk Optimalt 10+
Utstyr
PC og storskjerm til presentør Mobiltelefonar til deltakarane (fungerer òg med PC) Mobil til fjernkontroll

Korleis førebur eg meg?

Før du tek i bruk spelet i undervisninga, tilrår vi at du går gjennom følgjande sjekkliste.

Set deg godt inn i temaa det skal undervisast i. Vi har utarbeidd eit enkelt manus med forslag til kva du kan formidle på kvart steg i spelet.

  1. Klikk deg gjennom spelet på førehand, slik at du veit korleis det fungerer.
  2. Informer deltakarane på førehand. Dersom dei alt har reflektert over eigen økonomi og kor mykje pengar dei brukar, kan det vere enklare å kome i gang.
  3. Bestem deg for om deltakarane skal bruke eigne mobiltelefonar eller Chromebook/PC, og informer dei om dette i god tid.
  4. Start eit nytt rom og få deltakarane til å skanne QR-koden eller taste inn romkoden for å delta.

Ofte stilte spørsmål

Vi har samla nokre spørsmål om det vi reknar med du lurer på.

  1. SpareBank 1 SMN står bak løysinga, og ho er designa og utvikla av Mustasj AS.
  2. Om lag 45–60 minutt for ei standard gjennomkøyring. Om du trur det kan bli lange diskusjonar, tilrår vi at du doblar tida og loggar inn med Feide, slik at du kan lagre rommet og ta opp tråden i neste time.
  3. Nei, du må ikkje logge inn for å bruke løysinga. Innlogging er berre nødvendig dersom du vil ta vare på innhaldet i ei økt, til dømes om du vil dele opp gjennomkøyringa i to delar. Merk at Feide-administratoren for organisasjonen må aktivere Pengesmart som ei støtta teneste i Feide dersom de ønskjer å logge inn på denne måten.
  4. Du vil behalde framgangen i løysinga så lenge du går inn på den same lenkja som du brukte, og elevane gjer det same. Vi tilrår at du loggar inn med Feide, slik at du kan lagre rommet.
  5. Nei, vi lagrar ikkje statistikk frå gjennomførte økter. Men du kan halde fram med å bruke rommet dersom du ikkje har fullført.
  6. Løysinga samlar ikkje inn persondata, og alle økter vert sletta etter 180 dagar, med mindre du loggar inn i løysinga og bruker rommet innan fristen. Ved ny bruk av rommet vil du forlenge perioden med nye 180 dagar.